入圍「躍動長城」──中國長城動畫短片計劃嘅5組香港動畫團隊，正陸續接受4節專業指導，由業界翹楚傳授動畫製作嘅秘訣，加強入圍團隊嘅動畫製作技巧，令佢哋可以發揮創意，透過15分鐘嘅動畫短片(資助動畫)講好中國長城故事。各入選團隊喺12月15日完成咗各自嘅首節專業指導，佢哋喺專業導師帶領下深入討論資助動畫嘅劇本創作、故事板同角色設計等元素，作品令人期待！
此外，第一場培訓工作坊亦於12月19日舉行， 除5組入選香港動畫團隊外，亦歡迎有興趣的公眾人士參與。大會好榮幸邀請到北京電影學院動畫學院教授及動畫導演陳廖宇先生擔任嘉賓，分享點樣喺短片嘅有限篇幅內精準傳達主題，並塑造鮮明嘅個人創作風格，一眾參加者均表示獲益良多。
請大家繼續留意入圍團隊嘅最新動向啦！
免責聲明：在本刊物／活動內表達的任何意見、研究成果、結論或建議，均不代表香港特別行政區政府、文化體育及旅遊局、文創產業發展處、「創意智優計劃」秘書處或「創意智優計劃」審核委員會的觀點。
